मधेसमा गुण्डाको शरणमा एमाले-मेडिकल माफियालाई मेयरको टिकट!

१९ भदौ, काठमाडौं । वीरगन्ज महानगरपालिकालाई ९ करोड कर तिर्न अटेरी गरेका बसुरुद्दिन अन्सारीलाई एमालेले महानगरपालिकामा मेयरको उम्मेदवार बनाएको छ । अन्सारी वीरगन्जस्थित नेशन मेडिकल कलेजका प्रवन्ध निर्देशक हुन् ।
बक्यौता कर असुलीका लागि ताकेता दिन गएका महानगरपालिकाका कर्मचारीलाई ढोकाबाट भित्र छिर्न नदिई फिर्ता पठाउँदै आएका अन्सारी मेयरको उम्मेदवार भएपछि आफूले कलेजको प्रवन्ध निर्देशक पद छाडिसकेको बताएका छन् ।

कलेज सञ्चालक बोर्डका सदस्य समेत रहेका अन्सारी मेयरको उम्मेदवार बनेर मैदानमा उत्रिएपछि उनले महानगरपालिकाले कर नतिरेको विषयलाई लिएर स्थानीयबासिन्दाले टिप्पणी गर्न थालेको नागरिक दैनिक मा खबर छ ।

कृपया तपाईंको टिप्पणी र समीक्षा पोस्ट गर्नुहोस

तपाइँको इमेल ठेगाना प्रकाशित गरिनेछैन।

*

फेसबुकबाट तपाईको प्रतिक्रिया